დე ბრუინი: "ფიფას და უეფას მხოლოდ ფული აინტერესებს"

კევინ დე ბრუინმა ფიფა და უეფა გადატვირთული კალენდრის გამო გააკრიტიკა.

დღეს ბელგიის ნაკრები ერთა ლიგის ეგიდით ისრაელს უმასპინძლებს.

„სეზონები უფრო ხანგრძლივი ხდება. შესაძლოა, ამ სეზონმა ნორმალურად ჩაიაროს, მაგრამ 2026 წლის მსოფლიოს მოახლოვების გამო, კალენდარი მხოლოდ თუ გაუარესდება.

ფეხბურთელთა გარკვეული პროფკავშირები გამოსავლის ძიებას ცდილობდნენ, მაგრამ არაფერი არ იცვლება.

უეფა და ფიფას არ აინტერესებთ, მათ მხოლოდ ფული ადარდებს." - აღნიშნა ბელგიელმა.