დიდებული ქამბექი პარკ დე პრენსზე - პსჟ პლეი-ოფს მიუახლოვდა

ჩემპიონთა ლიგის მე-7 ტურში პარი დე პრენსზე დიდებული სანახაობა შედგა.

პსჟ-მ მან სიტის უმასპინძლა და საინტერესო და დაძაბულ მატჩში 4:2 დაამარცხა.

უგოლო პირველი ტაიმის შემდეგ, სიტი 50-ზე და 53-ზე გრილიშის და ჰალანდის გოლებით ორი ბურთით წინ გაიჭრა და თითქოს, პსჟ-ს სიტუაცია უკიდურესად დაამძიმა.

თუმცა, 56-ზე და 60-ზე ჯერ დემბელემ, შემდეგ კი ბარკოლამ წონასწორობა აღადგინეს და პარიზელები თამაშში დაბრუნდნენ.

ანგარიშის გათანაბრებით ფრთებშესხმული პსჟ წინსვლას აგრძელებდა, რამაც შედეგი 78-ე წუთზე გამოიღო და გუნდი წინ გავიდა.

მატჩში წერტილი 90+6 წუთზე გონსალო რამოშმა დასვა და საბოლოო ანგარიშიც დააფიქსირა - 4:2.

პსჟ-მ უმნიშვნელოვანესი სამი ქულა მოიპოვა, 10 ქულა დააგროვა და ცხრილში 22-ე ადგილზე გადაინაცვლა. სამაგიეროდ, 24 გამსვლელი გუნდიდან ამოვარდა მან სიტი, რომელსაც 8 ქულა აქვს და 25-ე პოზიციას იკავებს.

ბოლო ტურში პსჟ სტუმრად შტუტგარტს ეწვევა, რომელსაც ქულები ასევე სჭირდება, სიტი კი შინ ბრიუგეს უმასპინძლებს.