ესპანეთის სუპერთასის სამივე მატჩის ჩატარების ზუსტი დრო გაირკვა

ესპანეთის სუპერთასის მატჩებს 2025 წლის დასაწყისში კვლავ საუდის არაბეთი უმასპინძლებს.

მინი-ტურნირში მონაწილეობას მიიღებენ ლა ლიგის ჩემპიონი (რეალი), ლა ლიგის მეორეადგილოსანი (ბარსელონა), ესპანეთის თასის გამარჯვებული (ბილბაო) და ფინალისტი (მალიორკა).

ნახევარფინალში ერთმანეთს ბილბაო - ბარსელონა და რეალი - მალიორკა დაუპირისპირდებიან.

პირველი მატჩი 8 იანვარს, თბილისის დროით 23:00 საათზე, ბილბაოსა და ბარსელონას შორის გაიმართება.

მეორე ფინალისტს კი 9 იანვარს რეალი და მალიორკა, ასევე 23:00 საათზე გაარკვევენ.

ფინალური მატჩი 12 იანვარს გაიმართება.