სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
22 ივნისს საქართველოს მატჩის გარდა, კიდევ ორ საინტერესო დაპირისპირებას ვიხილავთ - თურქეთი პორტუგალიას დაუპირისპირდება, ბელგია კი - რუმინეთს.
თურქეთი - პორტუგალია [20:00]
თურქეთის და პორტუგალიის დაპირისპირებების ისტორია 9 თამაშს იტევს, 7 აქედან პორტუგალიის გამარჯვებით დასრულდა, 2 კი - თურქების.
ამ 9 შეხვედრაში პორტუგალიამ მეტოქეს 19 გოლი გაუტანა, საკუთარ კარში კი მხოლოდ 9 მიიღო.
თურქეთთან დაპირისპირებების საუკეთესო ბომბარდირი ლეგენდარული ეუსებიოა 4 გოლით, მეორე ადგილს კი თურქი უმუტ ბულუტი პორტუგალიელ ნუნო გომეშთან ერთად იყოფს.
პირველი დაპირისპირება შორეულ 1955-ში შედგა და თურქეთის გამარჯვებით 3:1 დასრულდა, უკანასკნელი კი 2022 წლის მუნდიალის შესარჩევი ეტაპის პლეიოფში, სადაც პორტუგალიამ 3:1 მოიგო.
ბოლო გამარჯვება თურქეთმა 2012 წელს, ამხანაგურ მატჩში მოიპოვა (3:1).
საერთოდაც, ანგარიში 3:1 პორტუგალიასა და თურქეთს შორის ყველაზე პოპულარულია - 9 მატჩიდან ის ოთხჯერ დაფიქსირდა - ორჯერ პორტუგალიამ მოიგო ამ ანგარიშით, ორჯერ თურქეთმა.
პორტუგალიის ბოლო 5 მატჩი
სლოვენია 2:0 პორტუგალია
პორტუგალია 4:2 ფინეთი
პორტუგალია 1:2 ხორვატია
პორტუგალია 3:0 ირლანდია
პორტუგალია 2:1 ჩეხეთი
ევროპელი ბრაზილიელების მონაწილეობით ბოლო 5 მატჩიდან 4-ში 2.5-ზე მეტი გოლი გავიდა.
თურქეთის ბოლო 5 მატჩი:
უნგრეთი 1:0 თურქეთი
ავსტრია 6:1 თურქეთი
იტალია 0:0 თურქეთი
პოლონეთი 2:1 თურქეთი
თურქეთი 3:1 საქართველო
ბოლო ხუთი მატჩიდან 1-ზე მეტი გოლი თურქებმა მხოლოდ ერთხელ მოახერხეს - საქართველოსთან 4 დღის წინ.
პორტუგალიასთან გამართული 9 მატჩიდან მათ გოლის გატანა 5-ში მოახერხეს.
ბელგია - რუმინეთი [23:00]
ბელგიის და რუმინეთის ურთიერთშეხვედრების ისტორია 12 მატჩს ითვლის და რამდენადაც არ უნდა გეუცნაუროთ, ბელგიელებს უპირატესობა არ აქვთ - 5 მოგება, 2 ფრე, 5 მარცხი.
უკანასკნელი დაპირისპირება შორეული 2012 წლით თარიღდება, როცა რუმინეთმა ამხანაგურ მატჩში მეტოქეს 2:1 მოუგო.
პირველად გუნდები შორეულ 1937-ში დაუპირისპირდნენ და მაშინაც რუმინეთმა, მაშინაც 2:1 იმარჯვა.
საერთოდ, გუნდების 12 მატჩიდან ოფიციალური მხოლოდ ორი იყო - 1994 წლის მუნდიალის შესარჩევ ეტაპზე, მაშინ ბელგიამ პირველი მატჩი 1:0 მოიგო, საპასუხოში კი რუმინთმა შური იძია 2:1.
ბელგიის უკანასკნელი გამარჯვება 2011 წლით თარიღდება - 2:1.
ამ ნაკრებების მატჩებში ყველაზე პოპულარული ანგარიში არის 2:1, 12 გამართული შეხვედრიდან ასეთი ანგარიშით 5 დამთავრდა.
12 მატჩიდან 8-ში ორივე გუნდმა მოახერხა გოლის გატანა, მშრალი მატჩი კი მხოლოდ 4-ჯერ ჩატარდა და ოთხივეჯერ ერთნაირი ანგარიშით - 1:0. (ორჯერ ბელგიამ მოიგო, ორჯერ რუმინეთმა).
ბელგიის ბოლო 5 მატჩი
ირლანდია 0:0 ბელგია
ინგლისი 2:1 ბელგია
ბელგია 2:0 მონტენეგრო
ბელგია 3:0 ლუქსემბურგი
ბელგია 0:1 სლოვაკეთი
რუმინეთის ბოლო 5 მატჩი
რუმინეთი 1:1 ჩრ ირლანდია
რუმინეთი 2:3 კოლუმბია
რუმინეთი 0:0 ბულგარეთი
რუმინეთი 0:0 ლიხტენშტეინი
რუმინეთი 3:0 უკრაინა.
პირველი ტურის მატჩები ორივე გუნდმა მოულოდნელად ჩაამთავრა - რუმინეთმა აუთსაიდერის სტატუსით უკრაინა გაანადგურა (3:0), ბელგიამ კი, მარტივი და მშვიდი 3 ქულის ნაცვლად (როგორც მისგან ელოდნენ), პირიქით - სლოვაკეთთან 0:1 წააგო და დღევანდელ მატჩს თავისთვის ბევრად დიდი მოტივაცია შესძინა.
ნ
ნიკა შაქარაშვილი
კომენტარები