Copyright © 2023 Adjarabet Arena. All Rights Reserved.
-
Aa
+
ფონტის ზომა
ევრო 2024-ის 1/8 ფინალური ეტაპის შემდეგ უეფას ოფიციალურმა გვერდმა პოსტი გამოაქვეყნა, რომლის მიხედვითაც გიორგი მამარდაშვილი მოგერიებების სტატისტიკას ერთპიროვნულად ლიდერობს.
1. მამარდაშვილი (საქართველო) - 29
2. ნიცე (რუმინეთი) - 16
3. დონარუმა (იტალია) - 14
4. ობლაკი (სლოვენია) - 14
5. კასტელსი (ბელგია) - 14
როგორც ხედავთ, ქართველ მეკარეს კონკურენტებთან შედარებით დიდი უპირატესობა აქვს. ამასთან ისიც სათქმელია, რომ ჩამოთვლილი ხუთივე მეკარე ევროპის ჩემპიონატს უკვე გამოეთიშა, შემორჩენილ მეკარეებს შორის კი ყველაზე მეტი მოგერიებით თავს ნიდერლანდელი ვერბრუგენი იწონებს, რომელმაც თავისი გუნდი 13-ჯერ გადაარჩინა.
ამგვარად, დიდია შანსი იმისა, რომ გიორგი მამარდაშვილმა ეს უპირატესობა ტურნირის ბოლომდე შეინარჩუნოს.
სტატისტიკური გვერდი Sofascore კი კიდევ ერთ მაჩვენებელს ავრცელებს, რომელსაც ასევე ქართველი ლიდერობს. საუბარია საკუთარ კარში ყველაზე მეტი მოსალოდნელი გოლის აღკვეთაზე.
1. გიორგი მამარდაშვილი (საქართველო) - 4.67
2. იან ობლაკი (სლოვენია) - 3.77
3. მაიკ მენიო (საფრანგეთი) - 2.83
ასევე აღნიშნული გვერდის მიხედვით, მამარდაშვილი შეფასებების მიხედვით ისევ შედის ტურნირის 3 საუკეთესო მოთამაშეში.
1. ფაბიან რუისი (ესპანეთი) - 8.77
2. კოდი გაკპო (ნიდერლანდები) - 8.18
3. გიორგი მამარდაშვილი (საქართველო) - 8.15
ტურნირის საუკეთესო პერფორმანსს კი გიორგი უკვე თურქ მცველ მერიჰ დემირალთან ერთად იყოფს, რომელმაც ავსტრიასთან დუბლი შეასრულა და საკუთარ გუნდს 1/4 ფინალში გასვლაში დაეხმარა.
1. მერიჰ დემირალი - ავსტრია 1-2 თურქეთი - 9.8
2. გიორგი მამარდაშვილი - საქართველო 1-1 ჩეხეთი - 9.8
3. კოდი გაკპო - რუმინეთი 0-3 ნიდერლანდები - 9.2
4. დონიელ მალენი - რუმინეთი 0-3 ნიდერლანდები - 9.1
5. ფაბიან რუისი - ესპანეთი 4-1 საქართველო - 9.1
თ
თაზო ჩარკვიანი
კომენტარები