გარი ნევილი: "რაშფორდის მანჩესტერიდან წასვლა ორივესთვის უკეთესი იქნება"

მანჩესტერის ექს-მცველმა, გარი ნევილმა, კლუბიდან მარკუს რაშფორდის შესაძლო წასვლაზე ისაუბრა.

27 წლის ფეხბურთელი ბოლო ორი მატჩის განცახადში ვერ მოხვდა და რამდენიმე დღის წინ ინტერვიუში აღნიშნა, რომ ახალი გამოწვევისთვის მზად არის.

„არამგონია, რაშფორდის დონის ნიჭის მქონე ფეხბურთელები რომ მანჩესტერიდან უნდა მიდიოდნენ. მინდა, რომ ხალხი, ვინც ამ კლუბში 8 წლიდან არის, აქ ბოლომდე რჩებოდეს.

მაგრამ, ბოლო რამდენიმე დღემ გამოააშკარავა, რომ ორივესთვის ჯობია, თუ ყველაფერი დასრულდება. სამწუხაროა, რადგან რაშფორდი ბოლო წლების მანჩესტერის ერთ-ერთი მთავარი ვარსკვლავია. 

ვეჭვობ, რომ კულისებს მიღმაც ყველაფერი უფრო და უფრო რთულდება. ეს ძალიან სამწუხაროა, რადგან კვირას იუნაიტედმა დიდებული გამარჯვება მოიპოვა, საუბრები კი მხოლოდ რაშფორდზეა." - აღნიშნა ნევილმა.