"გიბრალტარი - ესპანეთია", - როდრის და მორატას დისკვალიფიკაცია ემუქრებათ

ალვარო მორატას და როდრის ევრო 2024-ს მოგების ზეიმზე ნათქვამი ფრაზა შეიძლება ძვირად დაუჯდეთ.

Marca-ს ინფორმაციით, ორივე ესპანელ ფეხბურთელს უეფას ტურნირებზე ორმატჩიანი დისკვალიფიკაცია ემუქრება.

საქმე ისაა, რომ ევროპის ჩემპიონატის გამარჯვებისადმი მიძღვნილ ზეიმზე, როდრიმ და მორატამ არაერთხელ დაიყვირეს ფრაზა, რომ გიბრალტარი - ესპანეთია.

უეფამ ამ საქმეზე გამოძიება დაიწყო და არაა გამორიცხული, ფეხბურთელებს თავის ტურნირებზე დისკვალიფიკაცია მიუსაჯოს. როგორც ესპანური პრესა წერს, მათ ორი მატჩის გამოტოვება ემუქრებათ.