გვარდიოლა: "რატომ დავრჩი? ალბათ ზედიზედ 4 მატჩი რომ წავაგეთ, იმიტომ"

პეპ გვარდიოლას ჰკითხეს, რატომ გადაწყვიტა საბოლოოდ მან სიტისთან კონტრაქტის გახანგრძლივება.

გასული სეზონის ბოლოს იწერებოდა, რომ ესპანელი ხელშეკრულების ამოწურვის შემდეგ წასვლისკენ იხრებოდა, რაც ამ სეზონის ბოლოს წასვლას გულისხმობს. თუმცა, გვარდიოლამ აზრი შეიცვალა და სიტისთან კონტრაქტი 2027 წლამდე გაახანგრძლივა.

„რატომ დავრჩი? ვიგრძენი, რომ ახლა წასვლა არ შემიძლია. კი, საქმე ზუსტად ასე მარტივად არის. ნუ მეკითხებით, რატომ...

ალბათ, ზედიზედ ოთხი წაგებული მატჩი იყო მიზეზი ,რატომაც ვიფიქრე, რომ წასვლა არ შემიძლია." - აღნიშნა ესპანელმა სპეციალისტმა.