ჰალანდი: "გაბრიელისთვის ბურთის მორტყმა? ცხოვრებაში ცოტა რაიმეს თუ ვნანობ"

ერლინგ ჰალანდმა არსენალთან მატჩში მომხდარ სკანდალურ ეპიზოდზე ისაუბრა.

ბოლო წუთებზე, როდესაც ჯონ სტოუნსმა ანგარიში 2:2 გახადა, ჰალანდმა ბურთი ხელში აიღო და გაბრიელს მოარტყა, რომელიც ზურგით ედგა. VAR-მა ეპიზოდს გადახედა და მიიჩნია, რომ მთავარი არბიტრის ჩარევა საჭირო არ იყო.

ნორვეგიელ ფეხბურთელს ჰკითხეს, ნანობს თუ არა თავის ამ საქციელს.

„ცხოვრებაში ძალიან ცოტა რაიმეს თუ ვნანობ. ეს მოვლენები მომენტის ციებ-ცხელებაში მოხდა. რაც ხდება მოედანზე, რჩება მოედანზე." - აღნიშნა ჰალანდმა.