იამალი: "შეიძლება რეალის ფეხბურთელებს დაავიწყდათ, რომ მარჯვენა ფეხიც მაქვს"

ლამინ იამალმა კლასიკოში გატანილი გოლი შეაფასა.

რაფინიას პასის შემდეგ 17 წლის ესპანელმა, რომელიც კლასიკოს ისტორიაში ყველაზე ახალგაზრდა გოლის ავტორი გახდა, მარჯვენა ფეხით უკრაინელ ანდრეი ლუნინს შანსი არ დაუტოვა.

„შეიძლება, რეალის ფეხბურთელებს დაავიწყდათ, რომ მე მარჯვენა ფეხიც მაქვს.

მას აუცილებლად გამოვიყენებ მაშინ, როცა საჭირო იქნება და როგორც ეს კლასიკოში გავაკეთე." - აღნიშნა ბარსელონას ვუნდერკინდმა.

სანტიაგო ბერნაბეუზე გამართული ელ კლასიკო კატალონიური კლუბის გამარჯვებით 4:0 დასრულდა, რომელმაც რეალთან 4-მატჩიანი წაგებათა სერია შეწყვიტა.