იამალმა ბარსელონაში ნომერი შეიცვალა

ბარსელონას ოფიციალური განცხადების მიხედვით ახალი სეზონიდან ლამინ იამალს ახალი სათამაშო ნომერი ექნება.

17 წლის შემტევი 2024-25 წლების სეზონიდან ბარსელონას 19-ნომრიან მაისურს მოირგებს. აქამდე იამალი 27 ნომრით თამაშობდა.

წინა სეზონში 19-ნომრიანი მაისური ბარსელონაში ბრაზილიელ ვიტორ როკეს ეცვა, რომელიც ახალ ნომერს აირჩევს. ლამინი ესპანეთის ნაკრებშიც 19 ნომრით თამაშობს და სწორედ ამ მაისურით მოიპოვა მან ევრო 2024-ზე საუკეთესო ახალგაზრდა მოთამაშის ჯილდო და ესპანეთის ნაკრებთან ერთად ევროპის ჩემპიონიც გახდა.

19 ნომერი ბარსელონაში თავის დროზე ლეო მესის ზურგსაც ამშვენებდა, შემდეგ კი არგენტინელი ლეგენდარულ ათიანზე გადავიდა.