"იმედია, უფრო განსაკუთრებული რამით დამიმახსოვრებთ" - სლოტი საკუთარ რეკორდზე

ბოლონიასთან მატჩის შემდეგ არნე სლოტს თავისი რეკორდის შესახებ უთხრეს.

"თქვენ ხართ ლივერპულის პირველი მწვრთნელი, რომელმაც პირველი 9 მატჩიდან 8 მოიგო."

"იმედია, უფრო განსაკუთრებული რამით დამიმახსოვრებთ, ვიდრე ეს შედეგია!" - უპასუხა ნიდერლანდელმა ჟურნალისტს.

ჩემპიონთა ლიგის მე-2 ტურში ლივერპულმა ბოლონია მაკალისტერისა და სალაჰის გოლებით დაამარცხა. სლოტის გუნდს 2 ტურის შემდეგ 6 ქულა აქვს.

პრემიერ ლიგაში ჩატარებული 6 მატჩის შემდეგ კი მერსისაიდელები 15 ქულით სატურნირო ცხრილს სათავეში უდგანან.