"ჯერ კიდევ ტკივილს გრძნობს", - გვარდიოლამ ისაუბრა, როდის დაბრუნდება დე ბრუინი

პეპ გვარდიოლას თქმით, კევინ დე ბრუინი სათამაშოდ მზად ჯერ არ არის.

„კევინ დე ბრუინი ჯერ ვერ ითამაშებს. იმედია, სანაკრებო პაუზის შემდეგ, ის უკეთ იქნება.

ის თავს უკეთ გრძნობს, უფრო კარგადაც ვარჯიშობს, მაგრამ მატჩებისთვის საჭირო დონე ჯერ არ აქვს. ბურთზე ფეხის დარტყმისას, ის ჯერ კიდევ ტკივილს გრძნობს." - აღნიშნა ესპანელმა სპეციალისტმა.

ბელგიელმა ფეხბურთელმა ტრავმა 18 სექტემბერს მიიღო და მას შემდეგ სიტის მაისურით მოედანზე არ გასულა, მისი სავარაუდო დაბრუნების თარიღად 20 ნოემბერი სახელდება.