კარიმ ბენზემა კარიერის დასრულებას განიხილავს

მადრიდის რეალის ლეგენდარული შემტევი, კარიმ ბენზემა, კარიერის დასრულებაზე ფიქრობს.

ფრანგმა რეალი 2023 წლის ზაფხულში დატოვა და საუდის არაბეთს მიაშურა, სადაც დღემდე ალ იტიჰადის რიგებში ასპარეზობს

Relevo-ს ინფორმაციით, ბენზემა ალ იტიჰადთან თავისი კონტრაქტის ამოწურვის შემდეგ, ანუ მომავალ ზაფხულს კარიერის დასრულების ვარიანტზე ფიქრობს.

კარიმს რეალთან შეთანხმებული აქვს, რომ კარიერის დასრულების შემდეგ კლუბის ელჩად დაინიშნება და მას სურს, მადრიდში რაც შეიძლება მალე დაბრუნდეს.

შესაბამისად, სრულიად შესაძლებელია, რომ ბენზემა პროფესიონალური კარიერის ბოლო თვეებს ითვლიდეს.