კაზემირო იჯარით იტალიაში?

Sky Italy-ს ცნობით, კაზემირო თანახმაა რომაში გადასვლაზე და მანჩესტერ იუნაიტედიც მზად არის, რომ ის ზამთრის სატრანსფერო ფანჯრის დახურვამდე იჯარის წესით გაუშვას.

ინგლისურ კლუბს ურჩევნია, რომ კაზემირო გაყიდოს, თუმცა ამ მხრივ შემოთავაზება არ არსებობს. წყაროს ცნობით, რომამ ბრაზილიელის შესახებ ინფორმაცია მოითხოვა.

კაზემირომ მანჩესტერ იუნაიტედის ბოლო 6 მატჩი სათადარიგო სკამზე გაატარა. რუბენ ამორიმი 32 წლის ნახევარმცველს სათამაშო დროს არ აძლევს.

ბრაზილიელი ნახევარმცველი წითელ ეშმაკებს 2022 წელს მადრიდის რეალიდან შეუერთდა.