სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
4 დღის წინ · 0 წთ წასაკითხად
-
Aa
+
ფონტის ზომა
ჩემპიონთა ლიგის საერთო ფაზის მე-2 ტურის მეორე სათამაშო დღეს, მაყურებელი კვლავ 9 თამაშს იხილავს.
ოთარ კიტეიშვილი თავის კარიერაში მე-2 მატჩს ჩაატარებს ჩემპიონთა ლიგაზე. ბრესტთან მარცხის შემდეგ, დღეს მისი შტურმ გრაცი საკუთარ კედლებში ბრიუგეს უმასპინძლებს.
გადადი ამ ლინკზე და შეარჩიე შენთვის სასურველი თამაში, რომლის ყურებასაც სრულიად უფასოდ შეძლებ.
20:45
პირველ ტურში კატალონიური კლუბის ისტორიული დებიუტი შედგა ჩემპიონთა ლიგაზე. გუნდი პარკ დე პრენსზე პსჟ-ს ბოლო წუთამდე ებრძოდა და მატჩი მხოლოდ მეკარის შეცდომის გამო, ბოლო წუთებზე წააგო (0:1). ფეიენოორდი კი საკუთარ კედლებში ლევერკუზენთან (0:4) განადგურდა. დღეს ორივე გუნდი ლიგაზე თავისი პირველი ქულებისთვის იბრძოლებს
პირველ ტურში ორივე ამ გუნდმა ნულოვანი ფრე ითამაშა - ატალანტამ საკუთარ მოედანზე არსენალს თამაშით აჯობა, გოლის გატანის იდეალური შანსიც ჰქონდა პენალტის სახით, თუმცა ისიც ვერ გამოიყენა და ლონდონელები შინ ქულით გაუშვა. ირაკლი აზაროვის შახტარმა კი სხვა იტალიურ გუნდს, ბოლონიას ვერ აჯობა (0:0).
23:00
ტურის ერთ-ერთი ცენტრალური დაპირისპირება. პირველ მატჩებში ორივე გუნდმა დიდებული შთაბეჭდილება დატოვ ა- ასტონ ვილამ იანგ ბოიზი სტუმრად 3:0 გაანადგურა, ბაიერნმა კი ზაგრებს 9 გოლი გაუტანა და ჩემპიონთა ლიგის რეკორდი დაამყარა.
პირველ ტურში პორტუგალიელებმა ცრვენა ზვეზდას სტუმრად 2:1 მოუგეს, ატლეტიკომ კი ურთულეს ბრძოლაში იმავე ანგარიშით ლაიფციგის წინააღმდეგობა დაძლია. სიმეონეს გუნდს სამი დღის წინ დამღლელი მადრიდული დერბიც ჰქონდათ, რაც შეიძლება არწივების შანსი იყოს.
პირველ ტურში განცდილი სრული კრახის შემდეგ (ბაიერნთან 2:9), ხორვატები საკუთარ მოედანზე ბარსელონას დამმარცხებელი (2:1) მონაკოს წინააღმდეგ წარსდგებიან და გულშემატკივრების წინაშე რეაბილიტაციას შეეცდებიან, რაც მარტივი ნამდვილად არ იქნება.
პირველ წრეში ლილი ლისაბონში სპორტინგთან პრაქტიკულად უშანსოდ (0:2) დამარცხდა, რეალმა კი საკუთარ კედლებში შტუტგარტთან უდიდეს წინააღმდეგობას შეხვდა, თუმცა მაინც იმარჯვა - 3:1. მადრიდელებს ნაადრევად დაუბრუნდათ კილიან მბაპე, თუმცა ძმები მბაპეების დაპირისპირებას მაინც ვერ ვიხილავთ - უმცროსმა ეთანმა დაზიანება მიიღო და გარკვეული პერიოდი გაუცდება.
არნე სლოტმა ლივერპულთან ერთად ლიგის სადებიუტო მატჩში სან სიროზე მილანი თითქმის უშანსოდ 3:1 დაამარცხა, მიუხედავად იმისა, რომ მატჩში ანგარიში როსონერიმ გახსნა. რაც შეეხება ბოლონიას, გუნდი პირველ წრეში საკუთარ კედლებში დონეცკის შახტარს დაუზავდა - 0:0.
პირველ წრეში გერმანელებმა კარგი შთაბეჭდილება დატოვეს და ატლეტიკოს ვანდაზე უგებდნენ კიდეც, თუმცა სიმეონეს გუნდმა მისთვის ჩვეული საბრძოლო სულისკვეთება გამოიჩინა და მატჩი 2:1 მოიგო. იუვენტუსმა პსვ დამაჯერებლად, 3:1 დაამარცხა.
პირველ წრეში ოთო კიტეიშვილის შტურმი სტუმრად ბრესტთან 1:2 დამარცხდა და დღეს ლიგაზე პირველი ქულების მოპოვებას ბრიუგესთან ეცდება, რომელმაც, თავის მხრივ, დორტმუნდთან კარგი შთაბეჭდილება დატოვა, მაგრამ მაინც 0:3 წააგო.
ნ
ნიკა შაქარაშვილი
კომენტარები