კვარაცხელია: "ჩეხეთსაც და ალბანეთსაც ვანახეთ, რომ ნებისმიერთან შეგვიძლია მოგება"

ხვიჩა კვარაცხელიას კომენტარი ალბანეთთან მოგებული მატჩის შემდეგ.

„პირველ რიგში ვულოცავ საქართველოს დღევანდელ გამარჯვებას, ძალიან მნიშვნელოვანი გამარჯვება მოვიპოვეთ.

პირველ ტაიმში არ გამოგვდიოდა ის, რაც დაგეგმილი გვქონდა. მეორე ნახევარში უფრო გამოგვივიდა, თუმცა ვფიქრობ, რომ ჩეხეთთან უფრო ლამაზი ფეხბურთი ვაჩვენეთ.

ნებისმიერ შემთხვევაში, მოგეხსენებათ რომ ნაკრებისთვის მთავარი შედეგია და ეს გამარჯვება წინ წაგვწევს, ჯგუფის ფავორიტები გავხდით და უნდა გავაგრძელოთ შრომა, იმიტომ რომ ძალიან ძლიერი მეტოქეები გვყავს, წინ ბევრი თამაშია და ყველაფერი შესაძლებელია. 

ამიტომ, უნდა გავაგრძელოთ მომზადება იმ თამაშებისთვის, რომელიც წინ გველოდება.

ჩეხეთსაც და ალბანეთსაც ვანახეთ რომ ყველასთან თამაში და ყველასთან მოგება შეგვიძლია, რაც ძალიან მნიშვნელოვანია.

უკრაინაც ძალიან ძლიერი ნაკრებია, მაგრამ მე ვფიქრობ რომ დღესდღეობით ჩვენს ნაკრებს გააჩნია იმის შესაძლებლობა, რომ თითოეულ მეტოქესთან გაიბრძოლოს და გაიმარჯვოს.

მთავარია, გავაგრძელოთ ისევ ისე, როგორც დავიწყეთ." - აღნიშნა საქართველოს ნაკრების ლიდერმა.