"კვარაცხელიამ კლუბის დატოვება მოითხოვა" - კონტემ დაადასტურა

ნაპოლის მთავარი მწვრთნელი პრესკონფერენციაზე ხვიჩა კვარაცხელიას ტრანსფერის საკითხს შეეხო.

"კვარაცხელიამ კლუბის დატოვება მოითხოვა. ხვიჩას ვესაუბრე და მან დაადასტურა მისი გეგმა კლუბის მალევე დატოვებასთან დაკავშირებით.

იმედგაცრუებული ვარ. 6 თვე ვცდილობდი, მისთვის მეჩვენებინა, რომ რაღაც მნიშვნელოვანის გაკეთება შეგვეძლო. პლუს კლუბიც ცდილობდა მასთან კონტრაქტის გახანგრძლივებას, მაგრამ მან წასვლა და ახალი გამოცდილების მიღება გადაწყვიტა.

მე უკან ვიხევ. არ მინდა, მან იფიქროს, რომ აქ მივაჯაჭვებ. ჩვენ მნიშვნელოვან მოთამაშეს ვკარგავთ.

კლუბი და მისი აგენტი გამოსავალს მოძებნიან. მას აქ ვერ დავაკავებ, თუ დარჩენა არ უნდა." - განაცხადა იტალიელმა სპეციალისტმა.

პსჟ-მ კვარაცხელიას კონტრაქტის ყველა დეტალი შეათანხმა - რომანო