ლიგა 1-ის ორმა კლუბმა გულიაშვილზე ინფორმაცია გამოითხოვა

Geo Team-ის ინფორმაციით, სენტ-ეტიენმა და ლანსმა სარაევოსგან გიორგი გულიაშვილის ტრანსფერზე ინფორმაცია გამოითხოვა.

ბოსნიელებმა ორივე ფრანგულ კლუბს შეატყობინეს, რომ ქართველი ფეხბურთელის ტრანსფერში 3 მილიონ ევროს ითხოვენ.

სარაევომ 2023 წლის იანვარში გიორგი გულიაშვილი იბერია 1999-დან 120 ათასი ევროს სანაცვლოდ დაიმატა.

მიმდინარე სეზონში 12 გოლით გიორგი გულიაშვილი ბოსნიის ჩემპიონატის საუკეთესო ბომბარდირია.