მანჩესტერი რაშფორდის გაყიდვას შეეცდება

მანჩესტერ იუნაიტედი მარკუს რაშფორდის გაყიდვისთვის მზად არის.

ფლორიან პლეტენბერგის ინფორმაციით, კლუბი მზადაა ინგლისელის თაობაზე შემოთავაზებები ზამთარში ან მომავალ ზაფხულს განიხილოს, მიუხედავად იმისა, რომ რუბენ ამორიმის ხელმძღვანელობით, ფეხბურთელს პროგრესი აქვს.

რაშფორდის შესაძლო წასვლის ერთ-ერთ მიზეზად მისი მაღალი ხელფასი სახელდება. ინგლისელის წასვლა კლუბს ფინანსურ ფეირ-პლეიში ჩატევას და სატრანსფერო ფანჯარაზე უფრო მეტ შესაძლებლობას მისცემს.

ხელშეკრულება მარკუსს კლუბთან 2028 წლის ზაფხულამდე აკავშირებს. ამ სეზონში ფეხბურთელმა პრემიერ ლიგის 15 მატჩში 4 გოლი გაიტანა.