მბაპემ ულამაზესი ჰეთ-ტრიკით სიტის ქამბექის ოცნება მოუკლა - რეალი მერვედფინალშია

ჩემპიონთა ლიგის 1/8-ფინალში გამსვლელი პლეიოფის საპასუხო მატჩში მადრიდის რეალმა მან სიტი დაამარცხა.

შეხვედრა სანტიაგო ბერნაბეუზე გაიმართა და მასპინძელთა გამარჯვებით 3:1 დასრულდა. რეალმა ორი მატჩის ჯამში სიტის 6:3 მოუგო და 1/8 ფინალში დამაჯერებლად გავიდა.

სამივე გოლი რეალის რიგებში კილიან მბაპემ გაიტანა - მე-4, 33-ე და 61-ე წუთებზე.

ერთადერთი, რაც ამ მატჩში სიტიმ გააწყო - ახალწვეული ნიკო გონსალესის სადებიუტო გოლია ქალაქელების მაისურით, რომელიც ესპანელმა 90+2 წუთზე, ომარ მარმუშის უზადოდ შესრულებული ჯარიმის შემდეგ, დამატებაზე გაიტანა.

რეალი ჩემპიონთა ლიგის 1/8 ფინალში ან ატლეტიკოს შეხვდება, ან ბაიერ ლევერკუზენს - ამას 21 თებერვალს გასამართი წილისყრა დაადგენს.