"მითხრეს, 100 მილიონადაც არ გაგიშვებთო", - ბონუჩიმ სიტიში არშემდგარი ტრანსფერი გაიხსენა

ლეონარდო ბონუჩიმ 2016 წელს სიტისგან მიღებული შეთავაზება გაიხსენა.

„ბეპე მაროტამ თქვა, რომ 100 მილიონადაც არ გამყიდიდა. ინგლისიდან მიღებული შემოთავაზება ამ რიცხვთან ახლოს იყო, მაგრამ ანიელიმ და მაროტამ თავისი სიტყვა შეასრულეს.

ერთი წლის შემდეგ გვარდიოლამ მითხრა, რომ ჩემი დამატებისთვის მზად არის, მაგრამ ჯერ მანგალა და ოტამენდი უნდა გაყიდოს, მე კი დალოდება არ შემეძლო." - აღნიშნა ბონუჩიმ, რომელმაც კარიერა გასულ ზაფხულს დაასრულა.

2017-ს ზაფხულში ბონუჩი ერთი სეზონით მილანში გადავიდა, შემდეგ კი კვლავ იუვენტუსში დაბრუნდა.