მორატა თურქეთში მიდის

იტალიელი სპორტული ჟურნალისტის, ფაბრიციო რომანოს ექსკლუზიური ინფორმაციით, გალათასარაი მილანთან ალვარო მორატას ტრანსფერთან დაკავშირებით მოლაპარაკებებს აწარმოებს.

კლუბები შეთანხმებასთან ახლოს არიან და მხარეები მომდევნო საათებში ტრანსფერის დასახურად ემზადებიან.

ესპანელმა უკვე უთხრა თანხმობა გალათასარაის და მილანი მის გაყიდვას გეგმავს. სავარაუდოდ, თავდამსხმელი თურქულ კლუბში იჯარის წესითა და გამოსყიდვის ვალდებულებით გადავა.

მორატა მილანს 2024 წლის ზაფხულში მადრიდის ატლეტიკოდან 13 მილიონი ევროს სანაცვლოდ შეუერთდა. ესპანელმა თავდამსხმელმა სერია ა-ს მიმდინარე სეზონში ჩატარებულ 16 მატჩში 5 გოლი გაიტანა.

მორატას გალათასარაის თავდასხმის ხაზში მიჩი ბაჩუაი, დრის მერტენსი და ვიქტორ ოსიმენი დახვდებიან. გუნდის წევრი ასევე მაურო იკარდიც არის, თუმცა არგენტინელისთვის მძიმე ტრავმის გამო სეზონი დასრულებულია.