ნაპოლი და პსჟ სიტყვიერად შეთანხმდნენ - ტრანსფერის დახურვამდე 1 ნაბიჯი რჩება

პარი სენ-ჟერმენმა და ნაპოლიმ ხვიჩა კვარაცხელიას ტრანსფერზე სიტყვიერ შეთანხმებას მიაღწიეს.

პარიზული კლუბი ქართველ ვარსკვლავში 70 მილიონ ევროს გადაიხდის, შეთანხმება ითვალისწინებს გარკვეულ ბონუსებსაც, რის მიხედვითაც ტრანსფერის საბოლოო ფასი შესაძლოა 75 მილიონამდე გაიზარდოს.

თავად კვარაცხელია პსჟ-სთან 5-წლიან კონტრაქტს გააფორმებს, მისი წლიური ხელფასი კი დაახლოებით 9 მილიონი ევრო იქნება წელიწადში.

ერთადერთი, რაც არის დარჩენილი - კლუბების მფლობელებისგან საბოლოო დასტურია, რის შემდეგაც ტრანსფერი საბოლოოდ დაიხურება.