ოკაფორი ბუნდესლიგაში მიდის

იტალიელი სპორტული ჟურნალისტის, ფაბრიციო რომანოს ექსკლუზიური ინფორმაციით, ლაიფციგი და მილანი იჯარის წესით ნოა ოკაფორის ტრანსფერზე შეთანხმდნენ.

გერმანელებს მოთამაშის გამოსყიდვა ზაფხულში 25 მილიონ ევროდ შეეძლებათ. იჯარის დროს ოკაფორის ანაზღაურებას ლაიფციგი დაფარავს.

სამედიცინო შემოწმების გავლის შემდეგ ოკაფორი ოფიციალურად გახდება ლაიფციგის მოთამაშე.

შვეიცარიელი შემტევი მილანს 2023 წელს ზალცბურგიდან შეუერთდა, ახლა კი ის რედ ბულის კიდევ ერთი გუნდის წევრი ხდება.