ორწლიანი პაუზის შემდეგ, პსჟ ჩემპიონთა ლიგის მეოთხედფინალშია

ჩემპიონთა ლიგის საპასუხო მერვედფინალში პარი სენ-ჟერმენმა სოსიედადი სტუმრადაც დაამარცხა.

 

შეხვედრა სტადიონ ანოეტაზე გაიმართა და სტუმართა გამარჯვებით 2:1 დასრულდა, შესაბამისად პსჟ-მ ორი მატჩის ჯამში 4:1 იმარჯვა და შემდეგ ეტაპზე დამაჯერებლად გავიდა.

 

პარიზელთა რიგებში ორივე გოლი კილიან მბაპემ გაიტანა, პირველი მე-15 წუთზე და მეორე 56-ზე. ერთადერთი, რაც იმანოლ ალგუასილის გუნდმა მოახერხა - პრესტიჟის გოლი იყო, რომელიც გუნდმა მატჩის მიწურულს, 89-ე წუთზე შეაგდო.

 

ამრიგად, პსჟ ორწლიანი პაუზის შემდეგ პირველად, მეოთხედფინალში დამაჯერებლად გავიდა.