პეპე: "ერთხელ, რონალდუმ საავადმყოფოში ჩემს გამო მთელი ღამე გაათენა, რეალში დარჩენაში კი თავის ფულს მთავაზობდა"

მადრიდის რეალის და პორტუგალიის ნაკრების ექს-მცველმა, პეპემ, თანამემამულე კრიშტიანუ რონალდუზე ისაუბრა.

„ერთხელ, ვალენსიასთან თავის მძიმე დაზიანება მივიღე. როცა გამოვიღვიძე, გავიგე, რომ კრიშტიანუმ მთელი ღამე ჩემთან ერთად, საავადმყოფოში გაათენა.

ის იქ იყო და ჩემს ოჯახს ეხმარებოდა, ეს დაუჯერებელია.

როცა რეალიდან მივდიოდი, ჩემთან მოვიდა და მითხრა: "თუ ფულის ამბავია, მითხარი და მე თვითონ დაგიმატებ ფულს", თუმცა, ფინანსური ამბავი არ ყოფილა, რაღაც ახალი მინდოდა." - აღნიშნა პეპემ, რომელმაც კარიერა გასულ ზაფხულს დაასრულა.