ქოჩორაშვილი დეპორტივოსთან მატჩს გამოტოვებს

გიორგი ქოჩორაშვილი დეპორტივოსთან მატჩს კოჭზე დისკომფორტის გამო გამოტოვებს.

Geo Team-ის ინფორმაციით, ფეხბურთელმა და მწვრთნელმა გადაწყვეტილება ერთობლივად მიიღეს. ქოჩორას სამწვრთნელო შტაბმა აღდგენისთვის დამატებითი დღეები მისცა.

დეპორტივოსთან თამაშის შემდეგ გიორგი ქოჩორაშვილი გუნდთან ერთად ვარჯიშს განაახლებს. გიორგი 3 თებერვალს, რასინგის წინააღმდეგ დაბრუნდება.

ლევანტე ლა ლიგა 2-ში ჩატარებული 23 მატჩის შემდეგ 39 ქულით მე-5 ადგილზეა, ქართველი ნახევარმცველის ანგარიშზე კი 5 გოლი და 3 საგოლე გადაცემაა.