რეალი ზაფხულში 4 ტრანსფერს უმიზნებს

ესპანური გამოცემა AS-ის ინფორმაციით, რეალს 2025-ს ზაფხულისთვის დიდი გეგმები აქვს.

ამ ეტაპზე, მადრიდელები ზაფხულის სატრანსფერო ფანჯრისთვის 4 ფეხბურთელის დამატებას აპირებენ.

აქედან სამის წაყვანას რეალი უფასოდ შეეცდება. საუბარია ჯონათან ტაზე (ლევერკუზენი), ტრენტ ალექსანდრ არნოლდზე (ლივერპული) და ალფონსო დევისზე (ბაიერნი), სამივეს თავის ამჟამინდელ კლუბთან კონტრაქტი სეზონის ბოლოს ეწურება. 

მეოთხე ტრანსფერი, რომელსაც რეალი უმიზნებს - ფლორიან ვირცია, რომელთანაც კონტაქტები მიმდინარეობს. ამჟამად, 21 წლის ფეხბურთელი 130 მილიონ ევროდ ფასდება.

ხაზი ესმევა იმ ფაქტს, რომ ტას და ვირცის შესაძლო ტრანსფერებში მნიშვნელოვან როლს ის შეასრულებს, რომ კარლო ანჩელოტი 2025-ს ზაფხულში რეალის სამწვრთნელო სკამზე შესაძლოა ჩაბი ალონსომ შეცვალოს, რომელიც ამჟამად ორივე ფეხბურთელს ბაიერში წვრთნის.