სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
Red Bull Car Park Drift-ის ხმაური და მძვინვარება 1 სექტემბერს ბრუნდება!
ჩემპიონატი რუსთავის საერთაშორისო ავტოდრომზე 15:00 საათზე გაიმართება.
მონაწილეების რეგისტრაცია უკვე დასრულდა. ჩემპიონატში მონაწილეობას მიიღებენ სრულწლოვანი, მართვის მოწმობის მქონე, საქართველოს მოქალაქე ავტომოყვარულები და პროფესიონალი დრიფტერები.
შეჯიბრება ორ ეტაპად ტარდება: შესარჩევი (31 აგვისტო), ფინალი (1 სექტემბერი).
მონაწილეობისთვის აუცილებელი უსაფრთხოების სტანდარტები:
ავტომობილის ძრავი, სამუხრუჭე სისტემა უნდა მუშაობდეს გამართულად;
აუცილებელია უკანა ხედვის ერთი სარკე მაინც;
ღვედი უნდა აკმაყოფილებდეს უსაფრთხოების სტანდარტებს;
მძღოლის სავარძელი უნდა იყოს ხისტად დაფიქსირებული;
მძღოლი უნდა იყოს აღჭურვილი ჩაფხუტით, დახურული ტანსაცმლითა და ფეხსაცმლით.
ავტომობილები შემოწმდება ადგილზე. ორგანიზატორები უფლებას იტოვებენ არ დაუშვან ავტომობილები შეჯიბრზე, რომლებიც ვერ დააკმაყოფილებენ უსაფრთხოების სტანდარტებს.
ზოგადი ინფორმაცია
Red Bull Car Park Drift მეხუთედ ტარდება საქართველოში
2019 - იუსტიციის სახლის ავტოსადგომი
2020 - რუსთავი
2021 - რუსთავი
2022 - ოლიმპიური ქალაქი, თბილისი
2024 - რუსთავი
შეჯიბრების პირდაპირი ეთერი 1 სექტემბერს, 15:00 საათზე დაიწყება Red Bull Motorsports-ის FB გვერდზე.
პირველი Red Bull Car Park Drift -ის გამარჯვებულები:
2019-2020 - ვახო ხურციძე
2021 - ნოდო კოდუა
2022 - გიორგი კოდუა.
Red Bull Car Park Drift-ის გამარჯვებულის პრიზია მონაწილეობა მსოფლიო ფინალზე, რომელიც 2024 წელს ომანში ტარდება.
შეჯიბრებაზე მონაწილეებს უწევთ ელემენტების შესრულება და დრიფტის უნარების გამოვლენა.
Red Bull Car Park Drift-ის იდეის ავტორი Red Bull-ის ლიბანელი ათლეტი აბდო ფეგალი არის. ის გინესის რეკორდსმენია ყველაზე გრძელ დრიფტში. გარდა დრიფტისა, ფეგალი მონაწილეობდა აღმართის დაძლევასა და რალიში.
Red Bull Car Park Drift-ზე როგორც მონაწილეობა, ისე დასწრება უფასოა.
თ
თაზო ჩარკვიანი
კომენტარები
ნორისის დომინაცია ნიდერლანდებში
სხვა სპორტი
ნორისი: "საინსი მეტს იმსახურებს"
სხვა სპორტი