სიახლეები
სეტანტა
სპორტის გურუ
ქვიზები
7 სთ წინ · 0 წთ წასაკითხად
-
Aa
+
ფონტის ზომა
ტონი კროოსმა კარიერის დასრულების გადაწყვეტილებაზე ისაუბრა.
რეალის და გერმანიის ნაკრების ნახევარმცველმა კარიერა გასულ ზაფხულს, ევრო 2024-ს შემდეგ დაასრულა.
- ზუსტად როდის გადაწყვიტეთ კარიერის დასრულება და პირველი ვის უთხარით?
ჯერ ჩემს შვილებს ვუთხარი - ეს ჩემი პირადი გადაწყვეტილება იყო, მაგრამ მეუღლესთან ერთად მივიღე. ისე არ ყოფილა, რომ ერთ მომენტში მეთქვა - მივდივარ თქო. ეს იყო პროცესი, რომელსაც რამდენიმე თვე განვიხილავდით. ჩემმა ცოლმა სხვებზე უკეთ იცის და ის თითქმის ერთადერთი ადამიანია, რომელსაც ვუსმენ. ის იმდენად კარგად მიცნობს, რომ ჩემი წაკითხა შეუძლია. საბოლოოდ, გამოდის, რომ ეს საერთო გადაწყვეტილება იყო.
ეს მარტის ბოლოს ან აპრილის დასაწყისში მოხდა. 3-4 თვე ვყოყმანობდი, მაგრამ როცა გადაწყვეტილებას ვიღებ, ესეიგი დამთავრებული ამბავია. როცა ის მივიღე, ჯერ შვილებს ვუთხარით, რომ მათ ამის შესახებ პრესიდან არ გაეგოთ ან სკოლაში არ ეთქვა ვინმეს. შემდეგ, ყველაზე ახლო ადამიანებს გავანდე, რომლებიც არც ისე ბევრი მყავს.
- და რეალში ვინ შეიტყო ამის შესახებ პირველმა?
ჯერ მწვრთნელს ვუთხარი, იმიტომ რომ ჩვენ განსაკუთრებული ურთიერთობა გვაქვს... 2014-ში აქ რომ მოვედი, მაშინაც კარლო დამხვდა აქ და ის იმსახურებდა, რომ ეს ამბავი პირველს გაეგო. იმავე დღეს დავურეკე ფლორენტინოს და ხოსე ანხელ სანჩესს [რეალის გენ დირექტორი - ავტ], შემდეგ უკვე კოლეგებს, რომლებთანაც დიდი დრო მქონდა გატარაებული.
კლუბს რამდენიმე თვის მანძილზე ვეკონტაქტებოდი ამ თემაზე და მათ იცოდნენ, მაგრამ საბოლოო გადაწყვეტილება კარლოს გავანდე, ერთ საათში კი - ფლირენტინოს.
ეს ყველაფერი ოფიციალურ ინფორმაციამდე სამი დღით ადრე მოხდა [კლუბმა ეს 21 მაისს დაადასტურა - ავტ]. კლუბმა ეს საიდუმლოდ შეინახა, რისი მადლიერიც ვარ, ეს მათ საიმედოობას ამტკიცებს. დღეს ინფორმაციის შენახვა რთულია და ეს კონკრეტული შემთხვევა ჩემთვის მნიშვნელოვანი იყო, იმიტომ რომ საუბარი მთლიან ჩემს კარიერაზეა. ყველა შეხვედრაზე ისინი მიმეორებდნენ, რომ ამის შესახებ შემიძლია მაშინ გამოვაცხადო, როცა თავად მოვისურვებ." - აღნიშნა გერმანელმა ნახევარმცველმა.
ნ
ნიკა შაქარაშვილი
კომენტარები