რომელი გუნდი ლიდერობს სერია ა-ს ამ სეზონში გულშემატკივართა დასწრებით?

სერია ა-ს გუნდებს შორის ყველაზე მაღალი დასწრება მილანის მატჩებზეა.

Calcio e Finanza-ს ინფორმაციით, როსონერის საშინაო მატჩებს 2024/25 სეზონში საშუალოდ 71 572 მაყურებელი ესწრება. მეორე ადგილს ინტერი იკავებს (71 378), მესამეს კი რომა (62 038).

ხუთეულში ასევე შედიან ნაპოლი და ლაციოც.

მე-6 ადგილს იუვენტუსი იკავებს (40 596 მაყურებელი), ატალანტა მეთორმეტეა (22 780 მაყურებელი).

აქვე იმასაც გეტყვით, რომ სტადიონის გავსების მაჩვენებლით კალიარი ლიდერობს, რომლის ტრიბუნებიც საშუალოდ 97.9 პროცენტით ივსება, იუვენტუსი მეორეზეა (97.8%), კომო (97.6%) კი მესამეზე.