საკა და ჰავერცი VS მუსიალა და კეინი - დიდი მატჩის მონაწილეები

გადავხედოთ დღევანდელი მატჩის, არსენალი - ბაიერნის მთავარ გმირებს.

 

შეხვედრა ემირეითს სტედიუმზე 23:00 საათზე გაიმართება.

 

ჯამალ მუსიალა

 

 

ახალგაზრდა გერმანელი კრიზისულ ბაიერნში ძალიან კარგ ფეხბურთს აჩვენებს და გუნდის ერთ-ერთი ნათელი წერტილია ჰარი კეინთან ერთად.

 

ჩემპიონთა ლიგაზე ამ სეზონში მუსიალამ 7 მატჩში მოასწრო მონაწილეობის მიღება და 2 გოლი და 1 საგოლე გადაცემა მიითვალა. 

 

საშუალოდ მუსიალა ლიგაზე კარში 2.4-ჯერ ურტყამს, საიდანაც ზუსტი მხოლოდ 0.4 გამოდის ხოლმე.

 

ბუნდესლიგაში სიტუაცია განსხვავებულია - 23 მატჩში ჯამალმა 10 გოლი და 6 ასისტი მიითვალა, კარში საშუალოდ ასევე 2.4-ჯერ ურტყამს, თუმცა მეტი სიზუსტით - 0.9.

 

ჰარი კეინი

 

 

მიუხედავად ბაიერნის წარუმატებელი სეზონისა, ახალწვეული ჰარი კეინი გუნდის მთავარი მამოძრავებელი ძალაა და ლაციოს რომ მიუნხენელები პირველ მატჩში მარცხის მიუხედავად გასცდნენ, სწორედ ინგლისელის დამსახურებაა.

 

კეინმა ლიგაზე 8 მატჩში 6 გოლი და 3 ასისტი მიითვალა, საშუალოდ ერთ მატჩში კარში 3-ჯერ ურტყამს და 1.5-ჯერ მისი დარტყმული მიზანსაც აღწევს.

 

ბუნდესლიგაში სიტუაცია კიდვ უფრო კარგად არის - 28 მატჩში ინგლისელმა 32 გოლი გაიტანა და 7 ასისტი მიითვალა. საშუალოდ ერთ მატჩში კეინი 46-ჯერ ურტყამს და მისი 2 დარტყმა ზუსტია ხოლმე.

 

ბუკაიო საკა

 

 

საკამ ლიგის მიმდინარე სეზონში 3 გოლი და 4 საგოლე გადაცემა მიითვალა, მას საკმაოდ კარგი სეზონი აქვს და მასზე გაცემულ ავანსებს მთლიანად თუ არა, მეტწილად ამართლებს.

 

ლიგის ამ სეზონში საკა კარში საშუალოდ 1.6-ჯერ ურტყამს და საშუალოდ 0.7 დარტყმა ზუსტია ხოლმე.

 

პრემიერ ლიგაში სხვანაირი სიტუაციაა - 29 მატჩში 14 გოლი და 8 ასისტი, საშუალოდ 2.9 დარტყმა (1.0 ზუსტი).

 

კაი ჰავერცი

 

 

გასულ ზაფხულს ჩელსიდან ძვირად ჰავერცის შეძენისთვის არსენალს ბევრს აკრიტიკებდნენ, თუმცა ფაქტებით შეგვიძლია უკვე თქმა, რომ არტეტა არ შეცდა.

 

ლიგის მიმდინარე სეზონში გერმანელმა 8 მატჩში ჯერჯერობით მხოლოდ 1 გოლი გაიტანა - საშუალოდ კარისკენ 1.3-ჯერ ურტყამს (0.3 სიზუსტით).

 

ბოლო დროს კაი პრემიერ ლიგაში ათამაშდა - 30 გამართულ მატჩში მას 9 გოლი და 5 ასისტი დაუგროვდა, საშუალოდ ის პრემიერ ლიგაშიც არც ისე ხშირად ურტყამს - საშუალოდ 1.5 დარტყმა (0.5 სიზუსტით).