სიახლეები
სეტანტა
სპორტის გურუ
ქვიზები
3 დღის წინ · 0 წთ წასაკითხად
-
Aa
+
ფონტის ზომა
შვედეთის პოლიცია იძიებს შესაძლო გაუპატიურების საქმეს იმავე სასტუმროში, რომელშიც კილიან მბაპე იყო გაჩერებული.
შეგახსენებთ, რომ რეალის ფორვარდი სტოკჰოლმის ერთ-ერთ ღამის კლუბში ხუთშაბათს, 10 ოქტომბერს შენიშნეს, როდესაც საფრანგეთი ისრაელს ერთა ლიგაზე (4:1) ეთამაშებოდა. მბაპე ნაკრებში წინასწარი შეთანხმების საფუძველზე არ იყო გამოძახებული, რათა ტრავმის მოშუშებაზე ეზრუნა.
შვედური Aftonbladet-ის ინფორმაციით, შაბათს პოლიციამ შესაძლო გაუპატიურებაზე მიიღო შეტყობინება, მას შემდეგ, რაც სავარაუდო მსხვერპლმა სამედიცინო დახმარებას მიმართა.
როგორც ირკვევა, სავარაუდო დანაშაული ხუთშაბათს, სტოკჰოლმის ცენტრში იყო ჩადენილი. გუშინ საღამოს, იმ სასტუმროში, რომელშიც მბაპე და მისი თანხმლები პირები იყვნენ გაჩერებულნი, სამართალდამცავები მივიდნენ.
ეჭვმიტანილთა პირებზე ჯერჯერობით ცნობილი არაფერია, პროკურატურა კი კომენტარის გაკეთებაზე უარს აცხადებს.
თავად ფეხბურთელი RMC Sport-ის მიერ გამოქვეყნებულ ინფორმაციას სოციალურ ქსელში გამოეხმაურა.
„ფეიკ ნიუსები! როგორი მოსალოდნელი იყო. ამის შესახებ მოსმენამდე ერთი დღით ადრე დაიწერა, თითქოს შემთხვევით, არა?", - წერს მბაპე.
15 ოქტომბერს პსჟ-ს აპელაციის მოსმენაა მბაპეს წინაშე არსებული ვალის თაობაზე. როგორც ცნობილია, სასამართლომ კლუბს ფეხბურთელისთვის ხელფასისა და ბონუსების სახით 55 მილიონი ევროს გადახდა დაავალა, რაც კლუბმა უფრო მაღალ ინსტანციაში გაასაჩივრა.
ნ
ნიკა შაქარაშვილი
კომენტარები