სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
პარიზის ოლიმპადაზე საკალათბურთო ტურნირის 1/2 ფინალური მატჩები გაიმართა. საოცარი შეხვედრა შედგა აშშ-სა და სერბეთის ნაკრებებს შორის.
სერბებმა პირველი ტაიმი საოცრად ჩაატარეს და მესამე მეოთხედშიც ახერხებდნენ სასურველი ანგარიშის დაფიქსირებას, მაგრამ გადამწყვეტ ბოლო მეოთხედში ამერიკელებმა თამაშის დატრიალება მოახერხეს.
სერბები მეორე მეოთხედში 17 ქულით წინაც იყვნენ, მესამე მეოთხედში კი 15-ქულიანი სხვაობაც დაფიქსირდა, თუმცა სენსაცია არ შედგა და ამერიკელები მაინც არ დამარცხდნენ.
გამარჯვებულ გუნდს სტეფ კარიმ ულიდერა, რომელმაც 36 ქულა მიითვალა და 14-დან 9 სამქულიანი ჩააგდო. ასევე გამოსარჩევია ლებრონ ჯეიმსის სტატისტიკაც, რომელმაც სამმაგი დუბლი მიითვალა - 16 ქულა, 12 მოხსნა, 10 შედეგიანი გადაცემა.
სერბების მხრიდან კი ბოგდან ბოგდანოვიჩისა (20 ქულა) და ნიკოლა იოკიჩის (17 ქულა, 11 მოხსნა) პერფორმანსები გამარჯვებისთვის საკმარისი არ აღმოჩნდა.
აშშ ფინალში საფრანგეთს დაუპირისპირდება, რომელმაც თავის მხრივ გერმანიას სძლია 73-69. დენის შროდერმა 18 ქულა დააგროვა, თუმცა ფრანგულმა გუნდურობამ თავისი გააკეთა და მასპინძლები ფინალში გავიდნენ, სადაც ისინი ვარსკვლავური ამერიკელების დამარცხებასა და საკუთარ კედლებში ოლიმპიური ოქროს მოპოვებას შეეცდებიან.
ოლიმპიადის ფინალი 10 აგვისტოს გაიმართება.
თ
თაზო ჩარკვიანი
კომენტარები