სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
ლა ლიგის მე-9 ტურში მადრიდის რეალმა სანტიაგო ბერნაბეუზე ვილიარეალი მიიღო და მეტოქე 2-0 დაამარცხა.
შეხვედრაში ანგარიში მე-14 წუთზე ფედერიკო ვალვერდემ შორეული დარტყმით გახსნა. რეალმა პირველი ტაიმი მინიმალური ანგარიშით მოიგო.
თამაშის მეორე ნახევარში კიდევ ერთი შორეული გოლი ვიხილეთ. 73-ე წუთზე საჯარიმოს გარედან ვინისიუს ჟუნიორმა ულამაზესი გოლი გაიტანა და მასპინძელთა უპირატესობა ორამდე გაზარდა.
საბოლოოდ რეალმა დაგეგმილი 3 ქულა მოიპოვა. სამეფო გუნდს 9 მატჩის შემდეგ 21 ქულა აქვს და პირველადგილოსან ბარსელონას გაუთანაბრდა, თუმცა ამ ტურში კატალონიელებს ალავესთან შეხვედრა აქვთ ჩასატარებელი.
სამწუხაროდ, რეალის ორმა ფეხბურთელმა ვილიარეალთან მატჩში ტრავმა მიიღო. ვინისიუს ჟუნიორმა მოედანი მხრის ტკივილით დატოვა, თამაშის ბოლოს კი დანი კარვახალი მოედანზე განწირული ყვირილით დაეცა და მუხლს იტკიებდა. ჯერ-ჯერობით უცნობია მოთამაშეების ტრავმების სიმძიმე
თ
თაზო ჩარკვიანი
კომენტარები