სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
დღეს საღამოს 23:00 საათის მატჩში ერთმანეთს ჯგუფური ეტაპის მე-2 ტურის ეგიდით შოტლანდიის და შვეიცარიის ნაკრებები დაუპირისპირდებიან.
პირველ ტურში სკოტებმა გერმანიასთან სრული კრახი განიცადეს და 1:5 წაგებაში იმ ერთადერთ გატანილ გოლსაც არ იმსახურებდნენ, რომ არა ანტონიო რუდიგერი, რომელმაც კურიოზული ავტოგოლი შეაგდო.
მოედანზე ჩაკარგული იყო ბრიტანელების ლიდერი სკოტ მაკტომინეიც, რომელსაც გერმანულმა ნახევარდაცვამ არაფრის გაკეთების საშუალება არ მისცა.
შვეიცარიასთან მოახლოვებული შეხვედრა მანჩესტერ იუნაიტედის ნახევარმცველისთვის რეაბილიტაციის იდეალური საშუალებაა - გარდა იმისა, რომ შოტლანდიას ქულები ჰაერივით სჭირდება, განსაკუთრებით ასეთი ცუდი ბურთების სხვაობის ფონზე, თავად მაკტომინეიმაც უნდა დაიბრუნოს ის ფორმა, რომლითაც ევრო 2024-ს საკვალიფიკაციო ეტაპზე ყველას და მათ შორის ჩვენს ნაკრებსაც ატერორებდა.
ჯამში, მაკტომინეიმ ევროს საკვალიფიკაციოზე 8 მატჩი ჩაატარა, საიდანაც 7 სასტარტოში დაიწყო და მოედანზე საშუალოდ 82 წუთს ატარებდა. ყველაზე მნიშვნელოვანი კი ის არის, რომ პოზიციით ნახევარმცველი ერთა ლიგის ერთ-ერთი საუკეთესო ბომბარდირიც გახდა 7 გატანილი გოლით.
მაკტომინეის შვიდი გატანილი გოლი სწორედ ერთ-ერთი მთავარი მიზეზია იმისა, რომ შოტლანდიას ევრო 2024-ს ფინალურ ეტაპზე ვხედავთ.
გერმანიასთან მატჩის შემდეგ პრესაში ბევრი კურიოზი და მიმი შეგხვდებოდათ იმასთან დაკავშირებით, რომ რუდიგერი შოტლანდიისთვის ევროპის ჩემპიონატების ისტორიაში საუკეთესო თანაბომბარდირი გახდა, რაც იმას ნიშნავს, რომ 1-ზე მეტი გოლი არცერთ შოტლანდიელს არ აქვს ამ ტურნირზე გატანილი.
ეჭვგარეშეა, რომ ტურნირის დარჩენილ მატჩებში სკოტი ამ სტატისტიკის გაუმჯობესებას ეცდება. ნაკრებში ის ლიდერობას ბოლომდე გრძნობს საკუთარ თავზე და ეს თამაშზეც აისახება - მაგალითად, ერთ მატჩში მაკტომინეი კარისკენ საშუალოდ 2.5-ჯერ ურტყამს, რაც მისი პოზიციის ფეხბურთელისთვის ძალიან მაღალი მაჩვენებელია. თუმცა, სტატისტიკას უკეთ რომ ჩავუღრმავდეთ იმასაც დავინახავთ, რომ შვიდივე ეს გოლი მაკტომინეიმ საჯარიმოდან გაიტანა, რაც მისი პოზიციის შერჩევის უნარსაც უსვამს ხაზს.
ფაქტი ერთია, მაკტომინეი დღეს მოედანზე კონკრეტული მისიით გადის - უნდა გადაარჩინოს თავისი ნაკრები მეორე ტურის შემდეგ ჯგუფში 99%-იან ჩარჩენას, ამისთვის კი ქულები და შესაბამისად, სკოტის გმირობები "სკოტებს" ჰაერივით ესაჭიროებათ.
ნ
ნიკა შაქარაშვილი
კომენტარები