-
Aa
+
ფონტის ზომა
ინგლისის პრემიერ ლიგის 22-ე ტურში მანჩესტერ იუნაიტედმა ოლდ ტრაფორდზე ბრაიტონი მიიღო.
შეხვედრაში ანგარიში სწრაფი გოლით გაიხსნა. მე-5 წუთზე სტუმრები იანკუბა მინტემ დააწინაურა.
23-ე წუთზე მასპინძელთა სასარგებლოთ თერთმეტმეტრიანი დაინიშნა, რომელიც ბრუნო ფერნანდეშმა შეასრულა ზუსტად და ანგარიში გათანაბრდა. საბოლოოდ პირველი ტაიმი ასეც დასრულდა (1-1).
53-ე წუთზე ჟოაო პედრომ გამოიჩინა თავი, თუმცა თამაშის წესების დარღვევის გამო გოლი არ ჩაითვალა, მე-60 წუთზე თოლიები მაინც გავიდნენ წინ, გოლი მინტეს საჯარიმოში ჩაწოდების შემდეგ კაორუ მიტომამ გაიტანა.
მატჩის საბოლოო ანგარიში 76-ე წუთზე დაფიქსირდა. შეცვლაზე შემოსულმა ჯორჯინიო რუტერმა ანდრე ონანას შეცდომით ისარგებლა და სტუმართა უპირატესობა ორ ბურთამდე გაზარდა.
ბრაიტონმა ოლდ ტრაფორდზე 3 ქულა მოიპოვა და 34 ქულით ლაივ ცხრილში მე-9 ადგილზე იმყოფება, იუნაიტედი კი 26 ქულით მე-13 პოზიციას იკავებს.
თ
თაზო ჩარკვიანი
კომენტარები
