სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
პრემიერ ლიგის მე-4 ტურის გახსნით შეხვედრაში საუთჰემპტონმა საკუთარ მოედანზე (სენტ მერის სტადიონი) მანჩესტერ იუნაიტედს უმასპინძლა.
წმინდანებმა 33-ე წუთზე ანგარიშის გახსნის შანსი ხელიდან გაუშვეს. კამერონ არჩერს პენალტი ანდრე ონანამ აუღო, აქედან 2 წუთში კი უკვე გოლი სტუმრებმა გაიტანეს. იუნაიტედი მატაის დე ლიხტმა დააწინაურა. 41-ე წუთზე ანგარიში 0-2 გახდა. ამად დიალოს პასის შემდეგ ანგარიშში სხვაობა ორამდე მარკუს რაშფორდმა გაზარდა.
მეორე ტაიმში საუთჰემპტონმა თამაშის სცენარის შემოტრიალება ვერ შეძლო. 79-ე წუთზე კი გუნდი კაცნაკლული დარჩა. მსაჯმა ჯეკ სტიფენსს პირდაპირ წითელი ბარათი უჩვენა და მოედანი დაატოვებინა.
მანჩესტერელთა მხრიდან კომპენსირებულ დროში მატჩს წერტილი ალეხანდრო გარნაჩომ დაუსვა, რომელმაც 96-ე წუთზე ანგარიში 0-3 გახადა. საგოლე გადაცემა დიოგუ დალომ მიითვალა.
4 ტურის შემდეგ ერიკ ტენ ჰაგის გუნდს 2 მოგება და 2 მარცხი აქვს და 6 ქულას აგროვებს, საუთჰემპტონმა კი 4-დან ოთხივე მატჩი წააგო და სატურნირო ცხრილის ფსკერზეა.
თ
თაზო ჩარკვიანი
კომენტარები