"თურქებმა სასაცილო თანხა შემოგვთავაზეს" - ლიონის პრეზიდენტის პასუხი გალათასარაის

ლიონის პრეზიდენტმა, ჯონ ტექსტორმა RMC Sport-თან ინტერვიუში გიორგი მიქაუტაძის სანაცვლოდ გაკეთებულ შეთავაზებაზე ისაუბრა.

"თურქებმა სასაცილო თანხა შემომთავაზეს დიდებული მოთამაშეებისთვის, რადგან მათ იფიქრეს, რომ ეს ძალიან გვჭირდებოდა.

აქ ამას არ უნდა ვამბობდე, მაგრამ ჩვენ მათ ვუთხარით: "წადი, თქვენი..." - განაცხადა ოლიმპიკის პრეზიდენტმა.

ლიონმა გიორგი მიქაუტაძე გასულ ზაფხულს მეციდან დაიმატა, ახლა კი გალათასარაი ფრანგებს ქართველის სანაცვლოდ 20 მილიონ ევროს სთავაზობდა, თუმცა ლიონმა თურქული კლუბი მტკიცე უარით გაისტუმრა.