UFC 308 - სიტყვიერი შეთანხმება შედგა

ესპანური Marca-ს ინფორმაციით, სიტყვიერი შეთანხმება უკვე შედგა და ცნობილია, სად, როდის და ვისთან დაიცავს ილია თოფურია თავის ქამარს.

UFC-ის ქართველი ჩემპიონი 26 ოქტომბერს აბუ დაბიში UFC 308-ზე მაქს ჰოლოუეის დაუპირისპირდება.

ამ ბრძოლის გარშემო დიდხნიანი საუბარი მიდიოდა. ვრცელდებოდა სხვადასხვა ინფორმაცია, ჩატარების დროსთან და ადგილთან დაკავშირებით, თუმცა როგორც ჩანს ყველაფერი გადაწყდა და მალე ოფიციალურად ბრძოლას თავად დანა უაითიც გამოაცხადებს.

ილია თოფურიას ალექს ვოლკანოვსკის დამარცხების და UFC-ის საჩემპიონო ქამრის მოპოვების შემდეგ ბრძოლა არ ჩაუტარებია და შესაბამისად ეს მისი ტიტულის პირველი დაცვა იქნება.

მაქს ჰოლოუეი კი თავის მხრივ შეეცდება, რომ ქართველ ჩემპიონს ტიტული წაართვას და ქვემსუბუქი წონის ახალი ჩემპიონი გახდეს.

დრო და ადგილი ცნობილია - დვალიშვილის სატიტულო ბრძოლა ჩაინიშნა