"უკვე?", - ალონსოს პრესკონფერენციაზე პირველივე შეკითხვა რეალზე დაუსვეს

ჩაბი ალონსოს პრესკონფერენციაზე მადრიდის რეალის შესაძლო გაწვრთნაზე ჰკითხეს.

დღეს გავრცელდა ინფორმაცია, რომ კარლო ანჩელოტიმ სეზონის ბოლოს მადრიდული კლუბის დატოვების გადაწყვეტილება მიიღო, სამეფო კლუბის ხელმძღვანელობა კი მის შემცვლელად სწორედ ალონსოს მოიაზრებს.

ატლეტიკოსთან მატჩის წინა პრესკონფერენციაზე, ალონსოს პირველივე კითხვა სწორედ რეალზე დაუსვეს.

„უკვე რეალზე მეკითხებით? (იცინის). დრო გადის, მაგრამ ამ გუნდის ქომაგებთან დიდი ემოციური კავშირი მაქვს, ეს აშკარაა, მაგრამ ახლა ბაიერზე ვარ კონცენტრირებული და გონებაში მხოლოდ ეს მაქვს.

მშვიდად ვარ, სანერვიულო საკმარისად გამაჩნია და ამაზე ახლა საერთოდ არ ვფიქრობ." - აღნიშნა ალონსომ.