ვიდეო: მეფე მეფობს - აშშ-მ გერმანია დაამარცხა

ოლიმპიადის მზადების პროცესში აშშ-ს საკალათბურთო ნაკრებმა ბოლო ამხანაგური მატჩი გამართა, მეტოქე მსოფლიო ჩემპიონი გერმანიის ნაკრები იყო. შეხვედრა ამერიკელთა მოგებით 92-88 დასრულდა.

გუნდების სასტარტო შემადგენლობები ასეთი იყო:

აშშ - ბუკერი, კარი, ემბიდი, ჰოლიდეი, ჯეიმსი.

გერმანია - ობსტი, შროდერი, ტაისი, ფოიგტმანი, ვაგნერი.

გამარჯვებულ გუნდს 39 წლის ლებრონ ჯეიმსმა ულიდერა, რომელმაც 20 ქულა მიითვალა (11 ქულა ბოლო მეოთხედში). მეფის ნასროლი 11 ბურთიდან 8 ზუსტი იყო. ჯოელ ემბიდმა კი 15 ქულა ჩაიწერა აქტივში.

გერმანელთა მხრიდან გამორჩეული ფრანც ვაგნერი (18 ქულა) და ანდრეას ობსტი (15 ქულა) იყვნენ.

აშშ-მ ოლიმპიადისთვის მზადების პროცესში ხუთი ამხანაგური მატჩი ჩაატარა, საიდანაც ყველა მოიგო.

აშშ 86-72 კანადა

აშშ 98-92 ავსტრალია

აშშ 105-79 სერბეთი

აშშ 101-100 სამხრეთ სუდანი

აშს 92-88 გერმანია

ამერიკელები ოლიმპიურ თამაშებზე ზედიზედ მე-5 ოქროს მედლისთვის მიდიან.

პირველად ისტორიაში - აშშ-ს ოლიმპიური მედროშე კალათბურთელი კაცი იქნება