ვიდეო: სონის გოლი კუთხურიდან - გოლების წვიმა ლონდონში

ინგლისის ლიგის თასის 1/4 ფინალში ტოტენჰემმა საკუთარ მოედანზე მანჩესტერ იუნაიტედი მიიღო.

შეხვედრაში ორი განსხვავებული ტაიმი ვიხილეთ. პირველ ნახევარში მხოლოდ ერთი გოლი გავიდა. მე-15 წუთზე ანგარიში დომინიკ სოლანკემ გახსნა და მასპინძლები დააწინაურა.

თამაშის მეორე ნახევარში კი გულშემატკივარმა 6 გოლი ნახა. ტაიმი სწრაფი გოლით გაიხსნა. 46-ე წუთზე დეიან კულუშევსკიმ გაზარდა სხვაობა ორამდე, 54-ე წუთზე კი სოლანკემ დუბლი შეასრულა და ანგარიში 3-0 გახადა.

63-ე წუთზე ჯოშუა ზირკზემ სხვაობა შეამცირა, 70-ე წუთზე კი ამად დიალომ იუნაიტედი თამაშში დააბრუნა და უკვე ანგარიში 3-2 გახდა.

88-ე წუთზე კი სონ ჰინ-მინმა გოლი კუთხურიდან ჩაახვია და იუნაიტედის იმედები დაამსხვრია. კომპენსირებულ დროში ჯონი ევანსმა სხვაობა მინიმუმამდე დაიყვანა, თუმცა მანჩესტერს დრო აღარ ეყო. 

ტოტენჰემმა დრამატულ მატჩში 4-3 გაიმარჯვა და კარაბაო თასის 1/2 ფინალში გავიდა.

კარაბაო თასის 1/2 ფინალური წყვილები ცნობილია