3 თვის წინ · 0 წთ წასაკითხად
-
Aa
+
ფონტის ზომა
უიმბლდონზე ქალთა თანრიგის 1/8 ფინალურ ეტაპზე უკრაინელი ელინა სვიტოლინა ჩინელ ვანგ ჩინს დაუპირისპირდა და მეტოქე 2 სეტში (6-2, 6-1) დაამარცხა.
სვიტოლინა გამარჯვების შემდეგ ინტერვიუს დროს ემოციური იყო, რაც აბსოლუტურად გასაგებია.
"რა თქმა უნდა, ჩემი მხრიდან კარგი პერფორმანსი იყო დღეს. ეს ძალიან რთული დღეა უკრაინელი ხალხისთვის.
არ იყო ადვილი დღევანდელ მატჩზე კონცენტრირება. დილიდან რთული იყო ახალი ამბების წაკითხვა. კორტზე გასვლა ძალიან მძიმეა. მიხარია, რომ თამაში შევძელი და გავიმარჯვე." - სვიტოლინამ სიტყვის წარმოთქმის დროს ცრემლები ვერ შეიკავა.
ჩოგბურთელის ემოციები რუსეთის მიერ უკრაინის ქალაქების დაბომბვას ეხებოდა, რომელსაც 30-ზე მეტი ადამიანი ემსხვერპლა, 100-ზე მეტი კი დაშავდა. სამიზნე ობიექტი ბავშვთა ჰოსპიტალიც იყო.
სწორედ ამ ფაქტის გამო, ელინა დღეს შავი ლენტით თამაშობდა.
სვიტოლინა უიმბლდონის 1/4 ფინალში გავიდა, სადაც ელენა რიბაკინას დაუპირისპირდება.
თ
თაზო ჩარკვიანი
კომენტარები