სიახლეები
სეტანტა
სპორტის გურუ
ქვიზები
-
Aa
+
ფონტის ზომა
თანამედროვე, ტექნოლოგიური სამყაროს პირობებში, ადამიანის ყოველდღიურობის სმარტფონის გარეშე წარმოდგენა პრაქტიკულად შეუძლებელია, რომელმაც ინფორმაციის მიღების მთავარი წყაროს სტატუსი დიდიხანია დაიმკვიდრა და დათმობას არ აპირებს.
სრულიად შესაძლებელია, არ გცოდნოდათ, რომ არსებობს აპლიკაციები, რომლებსაც თქვენი ყოველდღიურობის გამარტივება შეუძლია.
ამ სტატიაში უნდა გესაუბროთ ხუთ ისეთ აპლიკაციაზე, რომელიც არ იცოდით, რომ გჭირდებოდათ.
1. ჩემპიონთა ლიგის ოფიციალური აპლიკაცია
საკლუბო ფეხბურთის მოყვარულებისთვის ჩემპიონთა ლიგა ყველაზე მნიშვნელოვანი და საინტერესო ტურნირია, ამიტომ მის ციებ-ცხელებაში დარჩენა ყველას ინტერესებში შედის. აქ შეგიძლიათ ფავორიტებში საკუთარი გუნდის დამატება და მის შესახებ ყველანაირი ინფორმაციის მიღება, იქნება ეს მატჩამდე, თუ მატჩის შემდეგ. თუ დარეგისტრირდებით, სასურველი მატჩის მიმოხილვის ნახვასაც აქვე შეძლებთ.
ორმაგად საინტერესოს ამ აპლიკაციას ფენტეზი ხდის, რომელსაც ფეხბურთის მაყურებელთა აბსოლუტური უმრავლესობა თამაშობს. ამ აპლიკაციაში შეგიძლიათ ყოველი მატჩის წინ დააყენოთ სასურველი გუნდი და მერე იქვე მიადევნოთ თვალი არჩეული ფეხბურთელების მიღწევებს, თქვენს პოზიციას ფენტეზიში და ა.შ.
2. Sofascore
განსაკუთრებით მნიშვნელოვანი აპლიკაცია ქართული ფეხბურთის გულშემატკივრებისთვის - აქ პირველად შესვლისას, აპი თავად შემოგთავაზებთ ფავორიტებში სასურველი გუნდების და ფეხბურთელების დამატებას და შემდეგ, თქვენ თვითონვე აირჩევთ, თუ რაზე გსურთ შეტყობინების მიღება - ტრავმა, სასტარტოში მოხვედრა, ასისტი, გაძევება, გოლი, გამარჯვება, შეფასება - ამ ყველაფერს აპლიკაცია არჩეულ ფეხბურთელზე თავად მოგაწვდით, თქვენგან მხოლოდ არჩევაა საჭირო.
სწორედ ამ აპლიკაციის მეშვეობით არის შესაძლებელი ადევნოთ თვალი ყველასთვის საყვარელ ქართველ ფეხბურთელებს, მატჩის შემდეგ დეტალურად გადახედოთ მათ სტატისტიკას - შესრულებული პასების, დრიბლინგების, დარტყმების თუ ნებისმიერი სათამაშო ასპექტის, რაც დაგაინტერესებთ.
თავისი კონკურენტებისგან Sofascore მატჩის შემდეგ უფრო სამართლიანი შეფასებებით გამოირჩევა, რითაც შემდეგ ბევრი ტოპ-გამოცემა ხელმძღვანელობს.
3. პრემიერ ლიგის ოფიციალური აპლიკაცია
თუ საკლუბო ფეხბურთში პრემიერ ლიგა შენი საყვარელი ჩემპიონატია - მაშინ ეს აპლიკაცია ტელეფონში აუცილებლად უნდა გქონდეს.
ადევნე თვალი საყვარელ გუნდს, დეტალურად გადახედე შენი საყვარელი ფეხბურთელის მიღწევებს, ჩატარებულ წუთებს, სატურნირო ცხრილს და ბომბარდირთა დავას - აქ ყველაფერი ერთ სივრცეშია მოქცეული.
ისევე, როგორც ჩემპიონთა ლიგის შემთხვევაში, ფენტეზის თამაში აქაც პირდაპირ აპლიკაციაში შეგიძლიათ - ყოველი სათამაშო ტურის წინ, აირჩიეთ სასურველი ფეხბურთელებისგან შემდგარი თერთმეტეული და შემდეგ, ადევნეთ თვალი, რამდენ ქულას დაგიწერენ ისინი თავიანთი მიღწევებით.
აქვე იმასაც გეტყვით, რომ პრემიერ ლიგის უფასოდ ყურება adjarabetarena-ზე შეგიძლიათ, ისევე, როგორც ჩემპიონთა ლიგის ყველა მატჩის.
4. (იგივე Twitter)
თუ ინგლისური კარგად იცი, მაშინ შენთვის კარგი ამბავი მაქვს. არ არსებობს ინფორმაციის მიღების „იქსზე“ (ყოფილ ტვიტერზე) სწრაფი გზა. ყველაფერი, რაც ფეხბურთში ხდება, პირველ რიგში ტვიტერზე იწერება და მერე გადის ტოპ-გამოცემებში. მაგალითად, ფაბრიციო რომანოც კი, რომელსაც დღეს უკვე ყველა იცნობს, პირველ რიგში ყველაფერს მოკლედ და ლაკონურად X-ზე პოსტავს, შემდეგ კი, გარკვეული დროის მერე, გააქვს სხვა პლატფორმაზე უფრო გაშლილად.
ამიტომ, თუ ფეხბურთში იმდენად ხარ ჩართული, რომ გინდა, ნებისმიერი ფეხბურთელის ტრავმა, სხვადასხვა მიღწევები და ყოველდღიური სიახლეები პირველმა გაიგო, მაშინ ტელეფონში X უნდა ჩაიწერო და შესაბამისი გვერდები გამოიწერო.
5. Flashscore
საფეხბურთოციებ-ცხელებაში ყოფნის ყველაზე მარტივი და მსუბუქი აპლიკაცია - წამებში შეგიძლიათ გადაამოწმო შენთვის სასურველი გუნდის თუ სპორტსმენის ცოცხალი-ანგარიში, ადგილზევე გაეცნო კოეფიციენტების მიხედვით ამა თუ იმ მატჩის ფავორიტებს.
შეგიძლია ნებისმიერი მატჩი ან სპორტსმენი ფავორიტებში დაამატო და ყველანაირი ძებნის გარეშე გადაამოწმო მათი ანგარიში, თუ ნოტიფიკაციებს ჩაურთავ, ყველაფერი პირდაპირ შეტყობინების სახით მოგივა. გარდა ამისა, ადგილზევე შეძლებ გადაამოწმო ამა თუ იმ ტურნირის საუკეთესო ბომბარდირები, სასურველი გუნდის მომდევნო მატჩები თუ სხვა გუნდთან ურთიერთშეხვედრების სტატისტიკა.
ნ
ნიკა შაქარაშვილი
კომენტარები