ალბანეთის მწვრთნელი: "ფრე უფრო სამართლიანი იქნებოდა"

ალბანეთის ნაკრების მთავარი მწვრთნელის, სილვინიოს აზრით, მისმა გუნდმა საქართველოსთან გუშინდელ მატჩში ქულა მაინც დაიმსახურა.

„საქართველოს ნაკრები ქებას იმსახურებს. თუმცა, ფრე უფრო სამართლიანი შედეგი იქნებოდა. ყველაფერი ერთადერთმა გოლმა შეცვალა და საბოლოოდ, სწორედ ერთი ბურთით წავაგეთ. 

ჩემს შეგირდებს შევაქებ, რადგან მათ მოედანზე ყველაფერი დატოვეს, მათთან პრეტენზია არ გამაჩნია. უბრალოდ, რთულ ჯგუფში ვართ და აქ ყველაფერი შეიძლება მოხდეს.

საბოლოო ჯამში ჩემი გუნდით კმაყოფილი ვარ. საქართველოს ფიზიკურად და ტაქტიკურად ძლიერი გუნდი ჰყავს." - აღნიშნა ბრაზილიელმა.