ალფონსო დევისი ბაიერნში რჩება

როგორც ჩანს, ალფონსო დევისი კარიერას მიუნხენის ბაიერნში გააგრძელებს.

The Athletic-ის ავტორიტეტული ჟურნალისტის, დევიდ ორშტეინის ინფორმაციით, მიუნხენური კლუბი კანადელთან ახალ კონტრაქტზე შეთანხმებასთან ახლოს არის.

მცირე დეტალები დარჩა მოსაგვარებელი, რის შემდეგაც, თუ გაუთვალისწინებელი არაფერი მოხდა, დევისი ბაიერნთან 4-წლიან კონტრაქტს გააფორმებს.

კანადელს მოქმედი ხელშეკრულება სეზონის ბოლოს ეწურებოდა, მისით ლივერპული, მანჩესტერი და მადრიდის რეალი ინტერესდებოდნენ.