ამორიმი: "ეს ერთ-ერთი ყველაზე რთული მომენტია იუნაიტედის ისტორიაში"

მანჩესტერ იუნაიტედის მთავარმა მწვრთნელმა, რუბენ ამორიმმა ნიუკასლთან მატჩის შემდეგ კომენტარი გააკეთა.

"შენ გუნდზე უნდა იფიქრო და ასევე ხანდახან მოთამაშეზეც, რომელსაც უჭირს. ვიგრძენი, რომ გუნდს უჭირდა და კიდევ ერთი ნახევარმცველი სჭირდებოდა, სულ ესაა ზირკზეს გაყვანის მიზეზი.

ჯოშუა ძალიან კარგი ბიჭია. ჩვენ მას მხარს დავუჭერთ. ჩემთვის ნამდვილად რთული იყო ამის გაკეთება, მაგრამ მე ვესაუბრე მას, რადგან მნიშვნელოვანი იყო მესიჯი. ჩვენ მისი გაყვანა გუნდისთვის გვჭირდებოდა.

რაშფორდის უთამაშებლობა? მე გუნდზე ვფიქრობ, თქვენ კი ბევრს ფიქრობთ მარკუსზე.

არ მინდა თავის მართლება. ვფიქრობ, ხალხი დაიღალა ამ კლუბის გამართლებებით. მანჩესტერ იუნაიტედს, ჩვენს კლუბს სჭირდება შოკი და ჩვენ ეს უნდა გავიგოთ.

გასავარდნ ზონასთან ახლოს ყოფნა? ეს ნამდვილად აშკარაა. ძალიან რთული მომენტია, ერთ-ერთი ყველაზე ცუდი მანჩესტერ იუნაიტედის ისტორიაში. ყოველ შემდეგ თამაშში უნდა ვიბრძოლოთ.

იანვარში ტრანსფერების გაკეთება ადვილი არ იქნება, თუ მოთამაშეები არ გავყიდეთ. თქვენ ჩემზე უკეთ იცით სიტუაცია. მე არ შემიძლია, მოვიდე და მაშინვე ფული დავხარჯო." - განაცხადა პორტუგალიელმა სპეციალისტმა.

იუნაიტედი ოლდ ტრაფორდზე ნიუკასლთან 0-2 დამარცხდა. გუნდმა ყველა ტურნირზე ზედიზედ 4 მატჩი წააგო, პრემიერ ლიგის სატურნირო ცხრილში კი ამორიმის შეგირდები 22 ქულით მე-14 ადგილზე არიან და გასავარდნ ზონას 7 ქულით უსწრებენ.