ანჩელოტი: "გაუგებრობაში ვარ - ბოლო კვირაა მესმის რომ საშინელ ფეხბურთს ვთამაშობთ, არადა ცხრილის სათავეში ვართ"

კარლო ანჩელოტიმ ლას პალმასთან მატჩი შეაფასა, რომელიც მისმა გუნდმა 4:1 მოიგო.

კიდევ სამი გოლი მადრიდელებს მსაჯმა თამაშგარის გამო გაუუქმა.

„გაუგებრობაში ვარ. ბოლო დღეებია მესმის, რომ რეალი ძალიან ცუდ ფეხბურთს აჩვენებს, მაგრამ ვხედავ, რომ ცხრილში ვლიდერობთ. გავაგრძელებ დაკვირვებას და ვეცდები დავადგინო, ვინ ცდება.

არ მინდა თქმა, რომ საუკეთესო ფეხბურთს ვთამაშობთ, მაგრამ ის, რომ ძალიან ცუდად გამოვიყურებით... ერთი კვირის წინ მეკითხებოდნენ, რა არ მუშაობს გუნდში ისე, როგორც საჭიროა. ზოგჯერ უკეთ გამოვიყურებით, ზოგჯერ - ცოტა უარესად...

მაგრამ ვერ ვხედავ სუპერგუნდებს, რომლებიც ფანტასტიკურ ფეხბურთს თამაშობენ. ვცდილობთ ვითამაშოთ იმ ფეხბურთელების საუკეთესო თვისებებზე დაყრდნობით, რომელიც განკარგულებაში გვყავს." - აღნიშნა იტალიელმა.